தன்னலம்

உற்றாரின் பாதை மாறுகின்றன 

ஏன் ஊரும் மாறிவிட்டது 

தனிமை அறியாது இருக்க தனியாக இருக்கிறேன்

தற்காலிக துணைகளுடன்

உறவுகளுக்காக  மட்டுமே ஓடி பழகியவள் நான்

எனக்கான பயணம் சிறு அடிகளாய் ஆரம்பம் !!!

கடல்

பேராசையை தூண்டித் தன்னுள் அடக்கிக்கொள்ளும் பெரும் ஈர்ப்பு நீருக்குண்டு.

இது முடிவற்ற நீர், கையசைத்து வா வா ஏன அன்புடன் அழைக்கும் ஆழிப்பேரலை நீர்…. 

                                                         - தொடரும் 🙃

கனவு

 அப்பா கேட்க்கும் கருப்பு வெள்ளை பாடலில்

இருக்கிறது அவரின் கலர் கனவுகள்!! 

உறவு!!

 முகம் பார்த்து அகம் அறிந்து 

அள்ளி அனைத்து  அமுதூட்டி

எல்லாம் சரியாயிடும் என்று சொல்லும் 

உறவுகளன்றி  உளவியலாளரை தேடி செல்லும் 

பரிதாப உலகம் இது !!!

நீர்

அதிகம் நீராடுகிறேன், ஒரு நாளில் பல முறை...
மழை வந்து அதில் நனைந்து அழ காத்திருக்க முடியவில்லை
நீராடி அழுது தீர்க்கிறேன்...
நினைவுகள் காதல் ஊடல் கூடல் கனவுகள் ஏக்கம்
என ஏமாற்றத்தை நீரில் கரைத்து கொண்டு இருக்கிறேன்
நீர் பெரிதும் உதவுகிறது.. கேள்விகள் இல்லாமல் மௌனமாய்
அதன் கருத்தையும், பயத்தையும், கற்பனைகளையும்
என்மீது செலுத்தாமல் என்னை அணைத்துக்கொள்கிறது..
யாரும் என் நீராக முடியாது !!!  

கண்ணாடி

கண்ணாடி உடைந்தாலும் பிம்பம் காட்டும்
ஒரு முறை பல முறை என ஆயிரம் முறை உடைந்த பின்னும்
மறுதலிக்காமல் பிம்பம் காட்டும்
உடைந்த கண்ணாடி கூழ் கொண்டு மறுபடியும்
ஓர் புதிய கண்ணாடி உருவாக்கும் இவுலகம்.
பெண்கள் இதயமும் அவ்வளவே !!
உற்றதுணை  அவளின் உடைந்த இதயத்தை பற்றி எடுத்து
ஓர் புதிய உறவை தரும் !!!

காலச்சுவடு

நினைவுகள் கூட நிரந்தரம் இல்லையடி
காலச்சக்கரம் அதையும் தேய்ந்துவிடும்
இதோ நம் நட்பை சொல்ல ஒரு பரிசு
உன் நினைவுகளை இதில் வார்த்தைகள் ஆக்கு
நம் நட்பை இதில் கவிதையாய் ஆக்கு
என்றும் அழியாத காலச்சுவடாய்
நம் உறவை போல் வாழட்டும் !!!